Жапарқұл көлік сатып алған екен, бір күні көршісі оның түзу
көше тұрғанда, шоқалақ-шоқалақ айналма жолмен жүріп жүргенін байқап қалды.
- Әй, мына жақпен
неге жүрмейсің?-деді таңырқап.
- Ойбай, бұл жақта
жол полициясы көп,- деп көзі бақшаң ете қалды
Жапарқұлдың.
- Құжатың дұрыс емес пе?
-Дұрыс.
- Әй, бір шатағы
бар шығар?
- Жо-жоқ,
тап-тұйнақтай бәрі.
Әп-әжептәуір
қызмет істейтін көршісінің талағы тарс айырылды.
- Өй, оның не?
Жындымысың, неден қорқасың онда? Қой, мынауыңды ел
естімесін.
Былай шыға бере:
«Сот емес, «үш әріп» емес, жол полициясы деген не тәйірі?»- деп күңк етті
өз-өзінен. Неге өйтіп айтқанын өзі де байқамай қалды.
Ал, сонда сот пен «үш әріптен» неге қорқуға тиіссің?
- 74 просмотра